NEUOFFENBARUNGBlatt 15 recto A
01kein man in keinen dingen. dan
02allein das er disem des ersten ergangen
03was vn- sich außwendig
04tzu fell behelffen wolt. Davon
05sanctus august . Vil ist der
06die liecht vn- warheit hann gesucht.
07aber doch alles außwendig
08dz sie nicht was des komen
09sie tzum letzsten tzu ferre das sie
10nie wider heym noch nymmer
11widerkomme-. des haben sie die
12warheit nicht funden. Wann
13warheit ist in dem grunt inwe-dig
14vnd nicht außwe-dig Wer
15nun wil finden liecht vn- vnderscheit
16aller warheit. der warte
17vnd neme ware diser geburt yn
18ym vnd yn dem grund. so werden
19alle crefft erleuchtet vn- der
20außer ma- Wan tzu hant so got
21den grunt ruret inwe-dig mit der
22warheit. so wirfft sich licht yn
23die creffte. vnd kan der ma- mer
24vnderweile- dan yn nyma-t gelernen
25magk. Also spricht der prophet.
26Jch han vorstande- vber
27alle die mich ye gelerten Sehet
28vmb das diß liecht nicht scheynen
29mag in dem sunder Daru-b
30ist es vnmogelich dz dise geburt
31in ym gescheen mochte Dise geburt
32mag nicht besteen mit vinsterniß
33der sunde. Wie das sie
34doch nit geschiet in den crefften
35sunder in dem wessen vnd in dez
36gru-de der sele vn- nit in den crefften
Blatt 15 recto B
01Was not ist des sint es yn
02den crefften nit geschiet. Das ist
03wol gefraget. Nun mercke diße
04vnderscheidt Ein iglich creatur
05wirckt yr werck durch ein ende
06das ende ist alletzeit das erste in
07der meinunge vn- das letzste yn
08dem werck Also meinet got yn
09allen seinen wercke- gar ein selig
10ende. das ist sich selber vnd das
11er die sele mit allen iren creffte- in
12das ende brenge. das ist yn sich
13selber. Durch das wirckt got alle
14seine werck durch das gebiret
15der vater seinenn sun in der sele.
16das alle crefft der selen in dz selbe
17ko-men. Er laget allein dem
18das in der sele ist. er ladet es alles
19tzu diser wirtschafft vnd tzu
20disem hoffe Nu hat sich die sele
21außwe-dig gebreitet mit den crefften
22vnd tzustrawet. ein iglich
23crafft in yr werck die crafft des
24sehenß in das auge. die crafft
25des horens in die oren. die crafft
26des schmeckens in die tzungen.
27vnnd also sint yr werck dester
28kre-gker inwe-dig tzu wircke-. vn-
29ein iglich gebreitet krafft ist vnuolko-men
30Hirumb wil sie crefftiglichen
31wircken inwendig. so
32muß sie wider heimruffen allen
33yren crefften vn- synne- vo- allen
34tzu breiten dinge- yn ein inwe-dig
35wircken Wan sanctus august.tinus
36spricht. Die sele ist vil mer
Blatt 15 verso A
01da sie liebet. dan sie yn dem leibe
02sey. Eynn heydenisch meyster
03was gekeret auff ein kunst. das
04was ein rechnu-g. Er hatte alle
05seine creffte dartzu gekeret vn-
06saß vor essen vnd tzalte vund sucht
07die kunst. Do quam eyner
08vnd tzuckt ein schwert vnnd er
09wysset nicht das er der meyster
10was. Vnd er sprache Sage wie
11heistu ader ich tode dich. Der
12meister was so sere eingetzogen
13das er des veindes weder sach
14noch hortte noch kunde sich ßo
15vil geaußern das er spreche- mochte
16Jch heis also Vnd do der
17veinde lange vnd vil gerieff. vn-
18er nicht sprach. do schlug er ym
19den hals ab. diß was vmb einn
20naturlich kunst tzu gewinnenn
21Wye vil vngleich mer wir vnß
22enttzihen sollen von allen dinge-
23vnd sammen alle vnßer crefte.
24zu schawen vnd tzu bekennenn
25die ewigen vnmessigen warheit
26Hir tzu samme- alle deine creffte
27vnd synne vnnd deine vornufft
28vnd deine gedechtniß. vnd das
29kere ynn den grundt. do dißer
30schatz ynne vorborgenn lig ader
31ist Sal das gescheen. ßo mustu
32allen wercke- entpfallen vnd ko-menn
33in ein vnwissen saltu diß
34finde-. Nu fellet ein frage Were
35es nicht edeler das ein iglich crafft
36yr eigen werck behilde vnnd
Blatt 15 verso B
01das eyne die andern nicht hindert
02in yren wercke- Jn mir mag
03kein weiße sein creaturlichs wyssen
04das nicht hindert. also als
05got alle dinck weyß on hinderniß.
06alßo als die seligen sint. das
07ist ein nutze frage Nun mercke
08dise vnderscheid. die seligen sehe-
09an in got ein bilde. vnnd in dem
10bilde bekennen sie alle ding. Ja
11got selber der sicht also in sich
12vnd bekennet yn ym alle dingk
13Er bedarff sich nicht keren vo-
14ym auff das ander. als wir mussen
15thun. Were es also in disem
16leben. das wir einen spiegel vor
17vns leyneten alle tzeit in dez wir
18in einem blicke alle dinck sehenn
19vnnd bekennen yn einem bilde.
20ßo were vnnßer wircken. noch
21wissen kein hinderniß Aber wa-
22wir vnß keren mussen von eynem
23auff dz ander. do vo- mag
24es nit an vnnß in eim gesein on
25hinderniß des andern Wan die
26sele ist also gebunden tzu den crefften
27das sie mit yn hinfleusset
28wo sie hinfliessen Wan in allen
29wercken die sie wircken. do mus
30die sele bey sein vnnd mit angedencken.
31ader sie mochten mit.
32ir nicht gewirckenn. fleusset sie
33dann mit yr an gedanckenn tzu
34außerlichen werckenn. ßo muß
35sie ynnewendig von not dester
36krencker sein an yren inwendigen